Embedded Files
Welcome to St. Peter the Apostle School!
Buwan ng United Nations, Ipinagdiwang ng mga Batang Peterians!
Sa muling pagbabalik-sigla ng ating paaralan matapos ang dalawang taong dulot ng pandemya, ating isinagawa ang programa ng Buwan ng United Nations sa St. Peter the Apostle School. Sa pangunguna ng Kagawaran ng Araling Panlipunan at sa tulong ng mga guro sa Edukasyong Pantahanan at Pangkabuhayan (EPP), matagumpay na idinaos ang Buwan ng United Nations na may temang International Year of Sustainable Mountain Development.Ito ang naging kauna-unahang programa ng St. Peter the Apostle School upang magsama-samang muli ang mga mag-aaral nito at ang kanilang mga magulang na masaksihan ang mga pagtatanghal na inihanda ng bawat baitang upang maipakita ang kahalagahan ng pagpo-protekta at pagbibigay proteksyon sa ating mga kabundukan at iba pang bahagi ng ating kalikasan. Mula sa mga pagpapakitang gilas ng una at ikalawang baitang mula sa kanilang mga headdress na ginawa ay todo-bigay ang mga mag-aaral sa kanilang inihandang maikling talumpati. Ang ikatlong baitang ay nagpaliwanag naman kung anong benipisyo ang maaring maidulot sa pagtatanim ng halamang Mayana. Ang ikaapat at ikalimang baitang ay nagpakita ng kanilang mga mapa ng mga kabundukan sa Pilipinas at diorama ng kasaysayan ng mga kabundukan ang ipinakita naman ng ikaanim na baitang.Di rin nagpatalo ang mga mag-aaral sa high school. Ang ikapitong baitang ay nagpakita ng kanilang ginawang logo ng kabundukan gamit ang electronic art. Samantala, ang ikawalong baitang ay nagpakita rin ng kanilang ginawang mga magazine cover at sa ikasiyam na baitang ay napanuod ng lahat ang ginawa nilang infomercial. Isa sa mga kaabang-abang ay ang ikasampung baitang na nagpakita ng talento sa kanilang mga binuong kanta tungkol sa kabundukan at ang podcast na ipinarinig sa atin ng ikalabing-isang baitang. Nagtapos ang programa sa isang sayaw ng panaghoy ng kalikasan na ating kailangang pakinggan at tugunan.Ipinakita ng mga mag-aaral ang kanilang mga ginawang proyekto sa isang exhibit na inihanda ng departamento ng Araling Panlipunan na kung saan makikita ang kanilang kasanayan sa pagiging malikhain na isa sa mga tinutukoy ng 10 Jobs Skills of World Economic Forum (WEF).Naging makabuluhan sa lahat ang pagdiriwang ng United Nations na siyang nagpamulat sa bawat isa kung ano ang ating gampanin upang mapangalagaan ang ating mga kabundukan at maisalba ang kasalukuyang kalagayan ng ating mga likas na yaman. Tunay nga na ang mga Peterians ay may pagpapahalaga sa mga gawa ng Diyos mula sa kanilang mga pinakitang sining at talento na nagbibigay pag-asa sa ating lahat at para na rin sa mga susunod pang henerasyon.
Page updated
Report abuse